Скала — археолошко наоѓалиште во селото Велмеј во областа Дебрца. Претставува раносредновековна црква и некропола. Лежи во месноста Крапчин Дол, меѓу Огранџо Ливада и Алибеџица, десно од патот за селото Брежани, на околу, 5 км воздушна линија југоисточно од селото. Овде веројатно била подигната црква која подоцна е пресечена со пороите на трапот што се спушта од месноста Слива. На левата страна од трапот се забележуваат повеќе камења во групи, а самиот простор изгледа како вештачки создадена тумбичка - грамада. Јужно од оваа грамада се забележуваат гробни конструкции од камени плочи и поситни камења. Во нивата на еден селанец од Велмеј, недалеку југоисточно од овој простој е раскопан гроб и е откриена сребрена обетка од X до XII век.